Tumi Mit Kota

Judul buku: Tumi Mit Kota
Penulis: Udo Z. Karzi & Elly Dharmawanti
Penerbit: Pustaka LaBRAK, Bandar Lampung
Cetakan: I, November 2013
Tebal: x + 85 hlm.
ISBN: 978-602-96731-3-5

Niku aga mit kota, Tum. Cadang atiku. Kidang nyak mak dapok api-api. Rupani, rencaka seno adu mesaka.
Adu dibi, nyak musti imul. Taganko nyak ngelupako sakikni atiku pakai yosni Way Biha.
……..

Tumi Mit Kota, cerbun inji paling mawat ngegambarko kondisi ulun Lampung tanno tekait jama orientasi urik,pergeseran tatanan sosiobudaya, rik kecenderungan urbanisasi di hantara jelma Lampung kelamonan. Keruwa, wat proses inkulturasi delom dirini Tumi (Tuminingsih), sai gelarni sangon meredik jama kultur Jawa rik sangon beretnis Jawa, kidang adu jadi muli lampung nihan. Injilah mustini sai terjadi. Kidang nyatani wat marginalisasi bahasa-budaya Lampung di lambanni tenggalan. Ketelu, ngebebaca sejarah, rupani Buay Tumi atawa suku Tumi yaddo dia tuyuk turingni ulun Lampung. Keepak rik seterusni… cerbun mehelau…

Wat 13 cerbun -- 6 cerbunni Elly Dharmawanti rik 7 cerbunni Udo Z. Karzi – delom buku inji. Kisah-kisah delom buku inji ngelaworko suasana wilayah lawok rik gunung, sesekali muneh mit kota; daleh ketegangan hantara sekeji rik tanno. Makai setting budaya sai khas, sai nulis ngewarahko ulun Lampung jama filosofi urikni tian rik kemunalomanni tian ngelapahi problema kehurikan. n