Judul: Lapah Kidah Sangu Bismillah
Penulis: Semacca Andanant
Penerbit: Pustaka LaBRAK
Cetakan: I, Desember 2019
ISBN: 978-602-53155-3-4
Tebal: viii + 71 hlm
Hehiwang rik Bandung yadoda karya sastera hulun Lampung say tilantunkon sendali mejong. Sebenorni Hehiwang rik Bandung mak jawoh bida, angkah say jadi pembidani yado ki Hehiwang isini batuy kelot-pahikni hurik. Sedongkon Bandung isini yado wayak-wayak say tibukak jama ucapan salam ataw tabik, isini bucerita tentang hukum agama ataw adat ataw aturan hurik. Rik tesalok pakay ucapan dua, urawan sereta pengharopan.
Di jaman moderen, sereba kari, nayah sanak ngura ganta say mak lagi ngereti rik hanggum jama budaya bangsani tenggalan. Tiyan lebih akrab rik bangga ki ngiwakkon budaya bangsa barih. Hujungni lebondo jati-dirini tiyan. Hinjido say jadi alasanni penulis ngakuk tema “ingok sapa kita” kekalaw Bandung rik Hehiwang say tihimpun dilom buku hinji dapok nyungkil rik nginjakkon budaya rik jati-diri neram hulun lampung say cutik lagi mak mati.
Tidak ada komentar:
Posting Komentar