Usim Kembang di Balik Bukik

Judul: Usim Kembang di Balik Bukik 
Penulis: Andy Wasis
Penerjemah: Udo Z Karzi
Penerbit: Pustaka LaBRAK, Bandar Lampung
Cetakan: I, November 2017
ISBN: 978-602-74519-3-3
Tebal: ix + 77 hlm

Kemutik-kemutikni kembang mulai mecul jak unggal rumpun kahwa. Warna andak kembang kahwa udi minjak di hantara bulung ujau. Rambe hanggum, inji do hasil guai balakni. Sang bidang tanoh jama batang-batangni kahwa tuha teninggalni amani, tanno adu jadi repong sai miyos. 


Rambe ngepikko tundunni di batang meranti di watas repong. Matani ngeliak mit unyinni repong. Di hadapanni jama bulung ujau rik kembang-kembang bewarna andak. Ia yaddo sanak ngura sai tepaksa nahan letupan-letupan kenguraanni. Ia sanak ngura sai latap diidealisme langgar. Begeluk jak amani mak lagi, ia mulai ngurako batang-batang kahwa di repong inji. Ia beguai senemon. Kanjak mulang sekula sampai di ia beguai. Tanno, ia mulai ngerasako wah guai senemonni. Batang-batang kahwani mulai ngembang. Pepira bulan lagi aga nguwah rik kaduni ia aga ngunduhni. Rambe ngimbusko hengas. Ampai nihan aga minjak, wat muli sai mundah jak rumpun kahwa. 

"Abang Rambe," tagu muli seno.

……

Novel Usim Kembang di Balik Bukik inji be-setting Kota Liwa, Lampung Barat. Ngawarahko kebun kahwa, lawok, imbun di pagi rani, hawani sai ngison, setekut, yaddo burasan muli-meranai jaman tumbai, daleh kebiasaan ulun Lampung barehni nyani cerita inji mehelau nihan.

Penulisni, Andy Wasis, laher di Tanjungkarang, Bandar Lampung, 3 Juli 1938, mak lagi di Ciputat, Tangerang Selatan, 29 Oktober 2011. Adu lebeh jak 100 novel (sanak, temeranjak, rik dewasa) diterbitko ulehni lamon penerbit di Indonesia.