Sekekejungni Pesisir Sememanjangni Angangon

Judul: Sekekejungni Pesisir Sememanjangni Angangon
Penulis: Elly Dharmawanti dan S.W. Teofani
Jenis: kumpulan sajak, bahasa Lampung
Penerbit: Pustaka LaBRAK dan Aura Publishing, Bandar Lampung
Cetakan: I, Desember 2016
ISBN: 978-602-6565-40-2
Tebal: viii + 81 hlm.

RUWA penulis inji, Elly Dharmawanti rik S.W. Teofani nangon radu mesaka mekantek. Pema-pema, tian ruwa muneh rupani gering nulis cerita buntak. Muwakni -- reno ceritani tian ruwa -- tian mak sepandaian. Alhasil, tian ruwa ajo cerbunis (Indonesia: cerpenis) sai mekantek.

Tanno, tian ruwa pepema peperda muneh nyani puisi. Tian ruwa titemuko delom sai buku. Jadi do, buku puisi Sekekejungni Pesiser Sememanjangni Angangon inji.


Elly ngudok syair jak lamon rang di sekekejungni lawok di Pesisir Barat sai dapot tisimak di lom judul-judul: Tenumbang, Labuhan Jukung, Tanjung Setia, Kuala Stabas, Slalau, rik Pahmung. Reno muneh S.W. Teofani sai nulis sajak (ngucakko rang) Pasar Krui, Repong Damar, Pesisir Tengah, Canguk, Sepapa, Ranau, Way Haru, rik Pahmungan.

Injuk S.W. Teofani, Elly muneh ngucakko semapu di pengrasa, tiram, hanipi, angingokan,  rik angangon.

Ruwa mekantek penulis tanno di sai buku puisi: Sekekejungni Pesiser Sememanjangni Angangon. Mesti do asyik.